Na Kareny Masasy,Shinyanga
JESHI la polisi mkoani Shinyanga limewashikilia watuhumiwa 78 kwa makosa mbalimbali ya kiuhalifu kati yao wahamiaji haramu wakiwa kumi na moja wanaoishi nchini bila vibali.
Kamanda wa jeshi la polisi mkoani hapa Janeth Magomi alisema hayo jana alipokuwa akiongea na waandishi wa habari ambapo ameeleza kushikiliwa kwa watu hao kulitokana na oparesheni maalum iliyoendeshwa kwa kipindi cha kuanzia mwezi April hadi Mei mwaka 2026.
Kamanda Magomi amesema oparesheni hiyo ilikuwa na lengo la kuzuia na kudhibiti vitendo vya uhalifu,kukamata wahalifu pamoja na vielelezo vinavyohusiana na makosa ya uhalifu.
Kamanda Magomi amesema oparesheni hiyo limefanikiwa kukamata jumla ya watuhumiwa 78 kwa makosa pia kukamata silaha moja aina ya Bastola TISAS.
Kamanda Magomi amesema silaha hiyo yenye namba za usajili T0620-22J00122 ikiwa na risasi 11 ndani ya Magazine ambapo iliripotiwa kuibiwa katika tukio la wizi lililotokea Mei 10,2026 katika mtaa wa Nyakato wilaya ya Kahama.
Magomi ameeleza silaha hiyo ilikuwa ikimilikiwa kihalali na Richard Mhabi (38) mfanyabiashara mkazi wa Nyakato kahama ikiwa watuhumiwa wawili wamekamatwa kuhusiana na tukio hilo na wanashikiliwa kwaajili ya kuendelea na taratibu za kisheria.
0 Comments