MKURUGENZI ANDERLEK RIDGES NA ROCKEN HILL AWASHAURI VIJANA FURSA ZA UTUMIAJI AKILI UNDE

            Na Kareny Masasy, Kahama

MKURUGENZI  wa shule  za  Anderlek Ridges na  Rocken Hill  Sir Alexander Kazimili amewafunda vijana wote nchini  kutumia Akil unde kama fursa ya kujiajiri nakuongeza kipato katika maisha yao hakuna maisha mazuri  yatakayokuja  bila kuwa na ubunifu.

 Kazimili amesema hayo leo  kwenye mahafali ya shule ya sekondari  Anderlek Ridges na shule ya msingi Rocken Hill  zilizopo Mansipaa ya Kahama mkoani Shinyanga  ambapo  amewaeleza  vijana  lazima  waijue  dunia ya utandawazi  yenye ubunifu na  ushindani .

 Kazimili amesema wanataka  waone vijana wanashindana   kimataifa  kwani dunia ya leo haimpi  nafasi mtu ambaye ni dhaifu,hajitambui,mzembe ,hana ndoto yoyote  na  hafanyi bidii katika kazi.

 “Mimi nilianza ujasiriamali na kufundisha nikiwa bado shuleni  na ndiyo ilikuwa ndoto yangu na leo imetimia  unatakiwa maono  yako uyaanze chini na kwenda juu lakini wengine huanzia juu kwenda chini na mambo ya akili unde  yatumike kama fursa imekuwa tofauti  vijana wanatumia kwenda kinyume na maadili”amesema Kazimili .

 Kazimili amesema Maadili kwenye jamii yamemomonyoka  kwani vijana siku hizi wamekuwa  wakiwatishia hata wazazi wao kutokana na dunia inavyowapeleka hivyo  wengi wao wamekuwa waathirika wakubwa sana   kufikia hatua kuwaomba urithi wa mali.

  Mgeni rasmi aliyesoma shule hiyo na sasa ni daktari wa magonjwa ya Moyo Nchini Urusi na Mwalimu wa Chuo Kikuu  Joseph Charles amesema    ushuhuda  uliopo  mkurugenzi wa taasisi  hii  ametumia maono na ujasiri mpaka amepiga hatua  ya mafanikio  na sasa anajivunia.

Dkt Charles ameelezea historia ya uanzishwaji wa shule hiyo amesema  ilianza   mwaka 1999 na kulikuwa na jengo moja  la madarasa mawili na ofisi moja hivyo ni suala la kujivunia taasisi hiyo kwa kupiga hatua kubwa kwa maendeleo yaliyofanyika na kukua kwake na kutambulika.

“Tunaona hii leo ni mtu mmoja  alikuwa na maono na ujasiri mkubwa sana  hivyo haikuwa rahisi   mara nyingi binadamu huanzia chini  na mwanzo wake unakuwa mgumu  kwa kukutana na vikwazo”amesema dkt Charles.

 Dkt Charles amesema ukiamini kitu na kukiweka kwenye maono na bidii ya kazi ni  lazima ndoto itimie hivyo ninampongeza mkurugenzi kwa kutokata tamaa na kutimiza  ndoto yake ambayo leo tunaishuhudia.

Dkt Charles amesema wanafunzi kwa elimu waliyopita  watabadilisha   maisha  kwa kupata  maarifa na sio ufaulu wa mitihani  na  safari yangu ilianza  shule ya msingi Rocken Hill na leo hii nimefika Urusi kama daktari wa magonjwa ya moyo. 

Dkt Charles amewahasa  wanafunzi waendelee kuwasikiliza walimu na kuwa na bidii ili kuweza kutimiza ndoto zao  na eneo la shule  sio kufaulu mitihani bali linawajengea uwezo wa kwenda kufanya kazi na kulitumikia taifa.

 Mkurugenzi wa shule  za msingi za  Rockeni Hil  Zephania  Maduhu amesema  maandalizi ya wanafunzi hawa ni safari  ndefu imetumika  na kuwa  thabiti katika kuwaandaa  hadi hatua waliofikia  ya kutarajia kufanya mitihani ya taifa  na wamefundishwa katika misingi  bora ya maadili .

Mkurugenzi wa shule ya sekondari ya Anderlek  Ridges  Godwin Ng’osha amesema  kwa sekondari ni mahafari ya 21  kwa wanafunzi  kidato cha nne  na  amewahasa wanafunzi kutumia teknolojia vizuri nasio kuharibu  maisha yao   na wazazi wasitetee watoto wanapohalibu  bali waonywe nakufundishwa