WANANCHI wa kijiji Nsunga kata ya Uyogo Halmashauri ya Ushetu Wilayani Kahama Mkoani Shinyanga wameanza kunufaika na mradi wa maji wa chanzo cha kisima kirefu ambacho kinatoa lita 2,200 kwa saa.
Hayo yamesemwa leo na Kiongozi wa Mbio za Mwenge Kitaifa Wazo Mwang’onda baada ya kuzindua mradi huo ambao umewaondolea adha wanachi kwa kutumia maji machafu yasiyo salama huku akisisitiza viongozi wa kata wahimize wananchi upandwaji wa miti kandokando ya kisima hicho ili kiwe endelevu.
Mwang’onda amesema chanzo cha kupatikana maji hayo ni kisima kirefu ambapo serikali imejitahidi kuwanufaisha wananchi wake kwa kutoa fedha nyingi kuhakikisha maji yanapatikana kwenye kijiji hicho.
“Rais Samia Suluhu ni Rais wetu nani mama ambaye ametaka kuhakikisha anamtua mama ndoo kichwani ndiyo adhima yake na ndiyo maana amesogeza huduma ya maji karibu na wananchi kwenye maeneo yao.”amesema Mwang’onda.
Mbunge wa jimbo la Ushetu Emanuel Cherehani amesema jimbo hilo lilipata fedha shilingi bilioni 44 kwaajili ya kutekeleza mradi wa maji kutoka ziwa victoria ambao wanaendelea nao mpaka sasa.
“Juhudi zinafanyika kuhakikisha maji yanapatikana kwenye maeneo yote ya ushetu tunampongeza Rais kuendelea kutushika mkono kwa kutoa fedha na kutekeleza miradi mbalimbali ikiwemo Maji,Elimu na Afya”amesema Cherehani.
Hata hivyo Meneja wa Wakala wa maji na Mazingira vijijini (Ruwasa) Wilaya ya Kahama Mhandisi Magoli Maduhu amesema Mradi huo umegharimu zaidi ya shilingi Milioni 82.6 nakuwanufaisha wananchi 1,092.
Mhandisi Maduhu amesema kisima kirefu chenye urefu wa mita 40 na uwezo wa kutoa lita hizo kwa saa na ujenzi wa mnara kioski cha kuchotea maji na kusimika tanki,
0 Comments