RC SHINYANGA ASEMA MFUMO WA e-Mrejesho KUTATUA CHANGAMOTO ZA WANANCHI

 

 

Na Kareny Masasy, Shinyanga

Mkoa wa Shinyanga umeanzisha mfumo wa e-Mrejesho ‘sema usikike na  mkuu wa mkoa’  kwaajili ya wananchi kutoa  maoni,pongezi na Malalamiko yao mbalimbali.

 

Mkuu wa mkoa wa Shinyanga Mboni Mhita  ameutambulisha  rasmi mfumo huo leo nakuwaeleza waandishi wa habari kuwa hata kama  mwananchi yeyote anataka kutoa  taarifa zake kwa siri inawezekana kuna namna ambayo imewekwa kumlinda mtoa taarifa.

Hata ukitaka kutoa taarifa zako kwa siri usijulikane inawezekana na sio lazima utumie simu zenye mtandano hata zile ndogo zisizo na mtandao unaweza kutuma ujumbe bure ukapokelewa kwa namba maalum ya 0737108177.

Mhita amesema utaratibu wa kujiunga unaanza  na   nyota  halafu namba 152  tena nyota na baadaye zero mbili na reli mwisho  unaingia kwenye e-Mrejesho  halafu unachagua  na kuona mkoa wa Shinyanga  kisha unatuma taarifa za pongezi,Ushauri na Malalamiko uliyonayo yatafanyiwa kazi.

 

“Kwa sasa tunatembea na kauli mbiu ya Sema Usikike  na Mkuu wa mkoa  na ofisi inapokea  taarifa zote nakuzifanyia kazi  kwenye e-Mrejesho na taarifa kama itahusika na taasisi fulani itapelekwa huko nakutolewa majibu kwa muhiska aliyetoa taarifa”amesema Mhita.

 Mhita amesema mfumo huu umeanza muda kidogo ilikuwa bado  wananchi  wengi kuufahamu na leo sasa inatakiwa  waufahamu ili wajue malalamiko yao,ushauri na pongezi zao zinakwenda wapi ili kufika kwa urahisi wakati mwingine wanaweza kutumia  njia ya  whasapp kwa namba hizo zilizotajwa

Mhita amesema  kwa muda ulioanza wamepokea  taarifa 25 na taarifa nne bado ziko kwenye uchunguzi hivyo amewataka wananchi  hasa wenye malalamiko waweze kutumia mfumo huo ni rahisi kwao kupata majibu sababu kila siku asubuhi unafunguliwa na  kusoma taarifa zote nakuzitolea majibu.

Mfumo huu  unaenda kuondoa  changamoto  sababu lazima ulete mrejesho na faida zake utachagua ni  njia gani utumie  hata kama una usiri  ni rahisi  sana na unamlinda mtoa taarifa hata kama hatataja jina lake pia.