WALEZI na wasimizi wa vituo vya kulea watoto wadogo Mchana (Daycare) Manispaa ya Shinyanga wametakiwa kutambua programu Jumuishi ya Taifa ya Malezi,Makuzi na Maendeleo ya Awali ya Mtoto PJT-MMMAM ili kuwaweka watoto kwenye ukuaji wenye utimilifu.
Hayo yamesemwa na Ofisa Ustawi wa Jamii kutoka Manispaa hiyo Elizaberth Mweyo ambaye alikuwa mwezeshaji katika semina ya siku mbili kwa walezi na wasimamizi hao zaidi ya 20 iliyoratibiwa na shirika lisilo la kiserikali la Invest to Children in the Society (ICS) kwa lengo la kuwajengea uwezo na utambuzi wa programu hiyo kwa umuhumu wake.
Mwenyo amesema katika vituo wapo walezi wapya na wengine wazamani hivyo wanatakiwa kutambua PJT-MMMAM na kuzingatia kundi la watoto wenye umri wa kuanzia miaka 0 hadi minane kwa utafiti uliofanyika watoto hao ubongo wao unaendelea kukua na hata kwenye vituo vya kulea watoto mnao wenye kuanzia umri wa miaka miwili hadi minne.
"Katika programu Jumuishi tunaangalia nguzo tano muhimu ambazo zinamuwezesha mtoto kabla ya kuzaliwa na baada ili kuendelea kukua katika utimilifu wake ambavyo ni lishe,afya bora,Malezi yenye Mwitikio.Ujifunzaji wa awali na ulinzi na usalama"amesema Mweyo.
Ofisa Ustawi wa jamii Mkoa wa Shinyanga Lyidia Kwesigabo ambaye aliakuwa mwezeshaji katika mada ya huduma za ulinzi. na usalama wa mtoto amesema vipo viashiria vinavyoonyesha mtoto kufanyiwa vitendo vya ukatili na kituo lazima kiwe na kamati inayojumuisha wzazi na kisifsnye kazi zaidi ya masaa 12 wala kulaza watoto (boarding) .
Ofisa Programu kutoka Shirika la Invest to Children in Society(ICS )Lucy Maganga amesema katika utekelezaji huu wamekuwa waratibu na kufanya mambo mawili ya kuimarisha mifumo na uchechemuzi na vituo vya kulea watoto ni mojawapo ya kujengewa uwezo.
Kaimu Mganga Mkuu wa Mkoa wa Shinyanga Emmanuel Rueben ambaye alikuwa mgeni rasmi akifungua semina hiyo amesema wanatambua vituo vinapokea watoto wenye umri wa miaka miwili hadi minne na wana waandaa kiakili na kimwili na ndiyo maana wanasisitizwa kuwapa lishe bora yenye makundi ya aina tano za vyakula.
Reuben amesisitiza kwenye maeneo ya vituo kuwepo mazingira safi na salama, maeneo ya kupumzikia, matundu ya vyoo yenye uwiano ,kutambua umuhimu wa chanjo kwa watoto na kuwaelimisha wazazi ikiwemo vituo kuvisajili kwa mujibu wa sheria,taratibu na miongozo.
Mwenyekiti wa vituo vya kulea watoto mchana Manispaa ya Shinyanga Damari Molles amesema semina hiyo imekuwa ni fursa kwao kuongeza ubora kuleta ufanisi katika vituo kwa walezi na wasimamizi kwa kuhakikisha watoto wanakua kwenye hali nzuri.
0 Comments