:Mrakimu mwandamizi wa Uhamiaji Mkoa wa Shinyanga Issa Kisiroti ambaye amechaguliwa kuwa mwenyekiti wa kikosi kazi hicho amesema hayo LEO baada ya kukamilisha mpango kazi huo utakao anza mwezi Septemba mwaka 2026 ukiwa na madhumuni ya ushirikiano katika kupambana dhidi ya usafirishaji haramu wa binadamu ambao ni kosa linalovuka mipaka.
"Manusura wakubwa wa usafirishaji haramu wa binadamu ni makundi ya wasichana na watoto wadogo ambao wanatumiwa kwa njia ya udanganyifu kwa lengo la wanaowatumia kujinufaisha kwa kujipatia fedha hivyo kwa kushirikiana tutaweza kutokomeza"amesema Kisiroti.
Afisa ustawi wa jamii mkoa wa Shinyanga Lyidia Kwesigabo ambaye amechaguliwa kuwa katibu wa kikosi kazi amesema wamekutana na kujengewa uwezo wa kupambana na usafirishaji haramu wa binadamu ambapo lengo lililofanyika ni kutengeneza mpango kazi na namna gani kila mmoja kama mjumbe kupambana kupitia mpango kazi unavyojieleza.
Mwajuma Ally kutoka shirika la Community of Volunteers for the World ( CVM) kupitia Mradi wa emPoWeReD II wa kushirikiana na Apartnership with Africa (APA) na wizara ya Mambo ya Ndani kupitia Sekretarieti ya kupinga usafirishaji haramu wa binadamu (ATS) na kwa mkoa wa Shinyanga wapo kwaajili ya kutengeneza kikosi kazi cha kupinga usafirishaji haramu wa binadamu .
"Tumefanya makubaliano na kuunda kikosi kazi cha mkoa wa Shinyanga ambacho kinakwenda kutoa elimu ya uelewa maeneo mbalimbali ikiwemo shuleni na kwenye jamii pia tumekuwa tukishirikiana na Chama Cha Wafanyakazi wa Hifadhi ,Hoteli,Majumbani, na Huduma za jamii na Ushauri (CHODAWU ) nakutoa elimu kwa wasichana wa kazi za nyumbani " amesema Mwajuma.
Mwajuma amesema kikosi kazi kitaenda kushirikiana kwa pamoja katika kutoa elimu kwa jamii,kutambua viashiria vya usafirishaji haramu wa binadamu,kuzuia na kuwasaidia manusura kupata msaada stahiki .
Afisa Sheria kutoka Wizara ya Mambo ya Ndani Sekretarieti ya kuzuia na kupambana na usafirishaji haramu wa binadamu Providence Simbila ambaye alikuwa mwezeshaji wa kikao hicho amesema wamefanya kazi ya kutengeneza kikosi kasi kwa kuweka wadau mbalimbali.
"Katika kikosi hicho wataweza kuripoti yale yaliyobainika kwa utaratibu ulioonyeshwa kwenye mpango kazi wao na sio kuanzisha shughuli mpya ambapo wataitafanya kwa kujumuisha shughuli za kila siku wanazoendelea nazo kuzifanya" amesema Simbila.
Kikosi kilichoundwa kinajumuisha wadau kama ofisa uhamiaji. jeshi la polisi, Mwendesha mashitaka ,hakimu mkazi,ustawi wa jamii,Maendeleo ya jamii, mganga mkuu wa mkoa,Afisa kazi ,kiongozi wa dini na mwandishi wa habari.
0 Comments