MUSUMBA STEEL BIDHAA ZAKE ZAWANUFAISHA AFRIKA MASHARIKI .

Na  Mwandishi wetu,Kahama WAKAZI wa nchi  tano za ukanda wa Afrika Mashariki  wameanza kunufaika na uwepo  wa bidhaa zinazotengenezwa na kiwanda cha Musumba Steel kilichopo  Manispaa ya Kahama Mkoani Shinyanga. Hayo yamesemwa leo na  Mkurugenzi  wa  kiwanda hicho  Albert Uwiragire  alipokuwa akiongea na waandishi wa habari  waliotembelea  kwenye kiwanda hicho kilichopo eneo la Viwandani Chapulwa kata ya Mwendakulima.    Uwiragire amesema  kiwanda  hicho kilianza rasmi mwaka 2023 na    kuzalisha bidhaa za mabati ya aina mbalimbali ,misumari  na vyuma vya mabomba kwaajili ya kutengeneza Milango ya geti na Madirisha. Uwiragire amesema  uwepo wa kiwanda hicho  kwa Manispaa ya Kahama imekuwa ni karibu kwani  wateja kutoka  nchi za Kongo,Rwanda,Burundi ,Uganda ikiwemo Mikoa ya Tanzania wataweza kunufaika zaidi kwa bidhaa hizi  ambapo usafirishaji  utatumia zaidi njia ya  reli ya kisasa  (SGR) kwa kituo cha bandari kavu kilichopo Isaka. Uwiragire amesema  wateja wamekuwa wakija kutoka kwenye maeneo hayo  ambao kabla ya kuanza kiwanda hicho walilazimika  kusafiri kwenda Dar-es-Salaam chukua bidhaa nakutumia muda mrefu tofauti na wakija Kahama ni muda mfupi. "Kiwanda hiki kimeweza kusaidia  serikali kutoa ajira kwa vijana  nakusaidia familia zao hivyo tunamshukuru Rais Samia Suluhu kurahisisha mazingira ya uwekezaji  na Mkuu wa Mkoa kutupokea vizuri kwa kushirikiana na ofisi ya Mkurugenzi wa Manispaa ya Shinyanga kutuonyesha eneo lingine la kuongeza kiwanda hiki ili shughuli  za kiwanda ziweze kuwa endelevu zaidi kwenye uzalishaji"amesema. Uwiragire amesema matarajio  yao kuwekeza  kwenye kiwanda kwani wanatengeneza bidhaa nyingi  ambazo hata mtu mwenye uwezo wa hali ya chini anaweza kumudu kununua  na kwenda kwenye maonyesho  ya 50 ya biashara ya Taifa jijini Dar-es-Salaam ni fursa kwao na wateja wanaohitaji bidhaa zinazotoka kwao   Meneja wa Kiwanda hicho  Halfani Kareem amesema  tangu kianzishwe wameweza kupata wateja  wa hapa nchini zaidi kutoka kanda ya ziwa,kati na Magharibi  changamoto ilikuwa upatikanaji bidhaa kwa urahisi kwenye mikoa ya kanda hizo. Kareem amesema  tayari wametoa ajira  kwa watu 65  ya muda mfupi  naya kudumu ikiwa kazi zikipungua wanabaki watu 20 wenye ajira ya kudumu na serikali imekuwa ikipata mapato yake kupitia kodi wanazolipa na mpango uliopo kuanzisha  bidhaa  zingine kama nondo na  vyuma vya kuchomelea (Welding Electronic). "Tunataka kwenda kwenye maonyesho ya biashara ya 50 kwa  kuonyesha bidhaa zetu ili watu wafahamu viwanda haviko mkoa wa Pwani pekee bali hata mkoa wa Shinyanga  una kiwanda kinachozalisha bidhaa kuhimu"amesema Kareem.

.